港聞

下一篇
上一篇

【Emily Online】民建聯「支持反對派擁抱大灣區」 范國威:公務考察 黃碧雲:擁抱九龍西 (18:43)

港珠澳大橋聽日正式開通,立法會交通事務委員會20位委員上周六(20日)去咗視察大橋,唔少建制派議員都表現得好興奮,好似委員會主席、民建聯陳恒鑌咁,就應黨友葛珮帆嘅慫恿,「瞓身」量度「港珠澳大橋香港連接路」路牌嘅長度。民建聯今日喺facebook出帖,post番民主派議員喺大橋上面「擺鋪士」留影嘅相,話「反對派議員參觀港珠澳大橋表現得好興奮,黃碧雲同范國威仲擺晒pose影相,笑得好開心,見到佢哋咁希望同大灣區融合,我哋都表示支持!」仲要落埋「反對派忽然理性」、「身體很誠實」等標籤。

相中嘅主角新民主同盟范國威同Emily講,民聯建咁做係「監人勑厚」、無限演繹,當時影相係因為公務考察,要做個紀錄,又話自己唔會再去條大橋。而民主黨黃碧雲就話,「民建聯咁畀面睇我facebook,影張相就等於擁抱大灣區咩?我昨天在石硤尾助選,今早在紅磡晨操,話我擁抱九龍西啱聽啲!」

其他報道:港珠澳大橋後天9時通車 運輸署強調準備就緒

其他報道:港珠澳大橋開通儀式明舉行 國家主席習近平今午抵珠海

相關字詞﹕民建聯 港珠澳大橋 大灣區 范國威 黃碧雲 emily online 編輯推介

上 / 下一篇新聞