娛樂

下一篇
上一篇

【鉛筆插眼】Tom@Mr.囝囝眼角膜受損:觀察有無後遺症 (18:27)

樂隊Mr.鼓手Tom(杜志烜)太太Leanne(何思諺)剛剛在社交平台發文,上載Tom抱住6歲兒子杜杜的照片,杜杜右眼貼上紗布,原來杜杜日前被鉛筆插眼,眼角膜受損,令網友大為擔心。

Leanne發長文解釋:「上星期收到好多朋友慰問,問關於杜杜點解變左(咗)單眼杜?唉,真係一個低級錯誤,以前成日聽啲長輩講,要小心啲鉛筆插眼啊!我成日都覺得小心啲就得架(㗎)喇!點知,就發生左(咗)係杜杜身上。今次算好好好彩,係眼角膜花左(咗)小小,滴眼藥水同塗藥膏就好返(番)。呢個係對杜杜黎(嚟)講一個好好既(嘅)教訓 ·· 放心放心 佢已經好返(番)哂架(㗎)喇!個(嗰)幾日佢睇唔到野(嘢)大部分時間都合上眼睛,而我一直都係(喺)佢身邊,睇下(吓)佢有咩需要,又講下(吓)故事比(畀)佢聽啦!比(畀)啲音樂佢聽啦!有幾次佢捉住我隻手同我講:「媽咪~你放心啦我好快無事架(㗎)喇~」·· 唉,講真,我寧願受傷個(嗰)個係我,嗚嗚嗚!我都會繼續觀察一下有無後遺症,呢幾日真係無覺好訓(瞓),嗚哇,身心交瘁啊!養兒一百歲長憂九十九,明啊明啊明啊!」

(即時娛樂)

相關字詞﹕ol網-latest 即時娛樂 鼓手 杜志烜 何思諺 杜杜

上 / 下一篇新聞