港聞

下一篇
上一篇

【Emily Online】楊潤雄今朝話撐廣東話 田北俊fb有嘢講:唔好再兜啦 (17:44)

教育局長楊潤雄日前質疑用廣東話教中文長遠會否令香港失去優勢,今早就喺商台節目話從個人角度自己係支持廣東話。向來鍾意喺facebook論吓時政嘅「田少」(自由黨榮譽主席田北俊),下午發文批評楊潤雄,叫佢「唔好再兜啦」,做官「唔係為咗獻媚」。

楊潤雄今早喺商台節目上話,「從我個人角度,我喺支持廣東話,因為我母語喺廣東話,我講廣東話喺最自然」。主持人跟住問佢第二講得自然嘅語言係唔係英語,佢答話「英語同普通話都差唔多,都喺講廣東話會舒服啲」,他又表明「我喺撐廣東話」。

其他報道:楊潤雄:我撐廣東話 指即使「粵教中」失優勢也非定要「普教中」

田少下晝就喺facebook分享相關新聞,並發文批評,「算吧啦,唔好再兜啦。做官係為市民服務,唔係為咗獻媚,等無得撈之後可以鋪後路去選人大、做政協」,又特別寫咗「#官場新常態」標籤。

「田少」帖文短短3小時,就吸引超過1200人按下表情符號,同有超過90次分享,有網民留言話「田少簡直係(喺)靚抽王」、「再兜可能會說"英教中"」、「錫曬(晒)你田少,關鍵時刻你總會出聲」、「田少你就爽喇,退落黎(嚟)un un腳食花生...」。

其他報道:「珍惜群組」成員稱被踢卻弄錯左右腳 官不接納證供 判梁國雄無罪

其他報道:的士司機疑遭警箍頸亡 醫生供稱死者頭轉近90度 扯力足以傷害頸椎

相關字詞﹕教育局 楊潤雄 廣東話 粵教中 普教中 田北俊 田少 emily online 編輯推介

上 / 下一篇新聞