港聞

下一篇
上一篇

【短片:廣東話是否長遠?】Ben Sir:若有發展危機就更不應放棄 (11:21)

教育局長楊潤雄昨日在電台節目表示,日常生活應多用普通話表達,形容整個世界將來中文發展是普通話為主,認為要交由專家研究廣東話學中文長遠會否失去優勢,言論惹來爭議。人稱「Ben Sir」的中大中文系前高級講師歐陽偉豪指,如果廣東話有發展危機,就更不應放棄,要令其成為能長遠發展用作學習中文的工具。

相關報道:「廣東話是否長遠論」惹爭議 楊潤雄嘆被社會部分人誤會 稱全無質疑廣東話學中文

Ben Sir在facebook發布影片,質疑即使楊潤雄所指「全世界用普通話學中文」正確,也未必是最理想的學習中文方法,「我哋點解要跟住個世界走?乜唔係我哋要領導世界、要有創意,令廣東話學中文係最優質,等個世界跟住我哋走咩?如果乜都跟住世界走,咁高錕教授就發明唔到光纖喇喎」。

他認為,如果楊潤雄預視到廣東話有危機就更不應放棄,更要加把勁幫廣東話,令廣東話成為能長遠發展學習中文的工具,「校長老師教書,見到學生發展唔到落去,你唔會放棄佢㗎嘛……如果廣東話真係危危哋,咁成個教育界就要拯救廣東話,一個地方嘅語言唔能夠發展落去,幾大件事呀!」

Ben Sir又指,澳門主要語言都是廣東話,但澳門教育官員不會公開質疑自己的語言,「呢排成日講大灣區,嗰『9+2』城市全都係講廣東話,但從未見過有大灣區嘅官企出嚟質疑自己嘅語言廣東話,能唔能夠長遠發展落去」。

其他報道:六四傘運照無法出版 圖片展重現

其他報道:【FCC副主席續簽被拒】英國《金融時報》:極度遺憾 反映北京正侵蝕港人權

其他報道:【高鐵】黃金周7天客量均不達標 昨日跌至5.3萬 僅政府預測六成六

相關字詞﹕楊潤雄 普教中 廣東話 歐陽偉豪 ben sir 編輯推介

上 / 下一篇新聞