【隔空舌戰】楊明發文護女友莊思明 馮盈盈:願風雨快過回歸平靜

港姐冠軍馮盈盈近日在節目中大爆「公廁論」,惹來歷屆港姐師姐不滿,莊思明回應時指言論「好Cheap」,惹來盈盈的粉絲不滿,而盈盈的好姊妹麥明詩更為她出頭反擊。

對於莊思明反被圍攻,她的男友楊明又忍不住發文護花,他說:「今日睇到有網民不斷人身攻擊思明,我有點驚訝...思明從頭到尾都係對事冇對人,祇(只)係答咗自己對這些用詞嘅感覺啫。我哋雖然係唔紅嘅藝人,但亦都係一個人,好多嘢我哋都識講,係睇下我哋講唔講又或者啱唔啱場合講嘅啫,你哋都可以通街痾屎㗎,夠哂貼地啦…你哋唔痾…?唔識尊重別人你都會盡量尊重吓自己吖。」雖然楊明話對事不對人,但他講「貼地」時明顯暗窒被指「貼地港姐」的盈盈。思明的家姐莊思敏同樣發文力撐,她說:「一張嘴可以氹死人,同樣可以殺死人。我們要學懂慎言,學懂尊重。」

馮盈盈在Instagram上載看海照片,她語帶雙關留言說:「願風雨快過,回歸平靜,大家一切安好。」似乎希望這場隔空舌戰盡快平息。

(即時娛樂)

上 / 下一篇新聞