【搵咗對象先】龔嘉欣恨做媽咪:最少生兩個

【今日直擊】龔嘉欣今日到商場出席活動,與一班小朋友手拖手行Catwalk,又互相鬥萌,嘉欣大讚小朋友記性好比她,更識走位搶鏡。嘉欣自言天生與小朋友特別投緣,之前都幫過張頴康女兒餵奶好熟手,自詡勝任可當兼職保母。她又自爆恨做媽咪,想早點生小朋友,但要找到合適對象先:「最少生兩個,好似我和哥哥年紀只相差一歲,感情好好。好想生龍鳳胎或孖胎,一次過搞掂。」嘉欣又自爆在玄學節目有相士批她將來會生孖仔。

(即時娛樂)

 

上 / 下一篇新聞