【Emily Online】林鄭打風前聽小鳳姐演唱會

超強颱風「山竹」逐漸逼近香港。政府連日罕有召開兩次跨部門會議,保安局長李家超今日喺跨部門記者會上,叫各部門要做最壞打算。而特首林鄭月娥就喺打風前,去紅館聽小鳳姐演唱會。

林鄭今晚係facebook話,今晚應小鳳姐邀請,去紅館睇佢演唱會,大讚小鳳姐係殿堂級歌手,金曲百聽不厭,加上華麗服飾,風趣幽默嘅講話,令觀眾拍爛手掌。

林鄭仲話,喺大家嚴陣以待超強颱風山竹襲港呢一刻,重温小鳯姐嘅「風雨同路」,希望可以安然度過「厄困」。Emily覺得呢首金曲非常有意境,道出世間百態人情冷暖,其中兩句歌詞「怎可分開假與真」、「明亮背影有黑暗」令人回味無窮。

其他報道:【山竹威脅】李家超:作最壞打算 跨部門隨時候命 緊急中心提早啟動

其他報道:【山竹威脅】天文台:周日掛8號風球機會相當高

其他報道:【山竹威脅】港鐵不排除高鐵西九龍站天幕滲水爆玻璃 將設「war room」應對

上 / 下一篇新聞