港聞

下一篇
上一篇

【Emily Online】講開陳凱欣?陳沛然出blog提醫生護士投訴「膊頭黨、特權人」 (21:51)

食衛局前政助陳凱欣,外界一般覺得佢愈嚟愈似代表建制派,出戰11月個立法會九龍西補選,佢過去種種舊事也就難免被重提。立法會醫學界議員陳沛然今日就出blog,一出標題就嚟《公事公辦,以身作則》。

其他報道:【Emily Online】陳凱欣發帖向警隊致敬:夜晚敢出街的安全感得來不易

陳沛然喺個blog第一段就寫,佢外父最近突然話要去公立醫院做手術,陳沛然自己就先係唔敢「向醫院傳達求助」,之後幾次到醫院,亦都只係「微服探病,不想給那裏的醫生護士任何壓力」。即使外父之後手術傷口發炎要多留院幾日,「我們也沒有半點聲音」。

陳沛然之後入正題,話知道唔少公立醫生護士,都曾經遇過「膊頭黨、特權人、VIP、邊個嘅邊個」,「以前更有議員、政黨會放下咭片、醫生護士收到電話」。

陳沛然最後話,「高層或社會知名人士」,好多時候都會獲得方便,若果再主動施壓,就更加不能接受。之後佢仲提醒同業,若曾遇到呢類不必要壓力,記得要搜集證據,畀佢同專人跟進。

大家應該都記得,陳凱欣早陣子被揭發,曾經喺做政助時涉嫌濫權,打電話畀急症室醫生,安排佢認識嘅一位電視台記者打尖睇醫生。而查實,陳凱欣舊年6月仲係政助時,就曾經為當時局長高永文抱不平,跟陳沛然fb筆戰,唔知係咪嗰時已經積落啲牙齒印呢?

其他報道:在任時授權簽FCC租契 梁振英:若當年請人宣揚港獨肯定不續租

其他報道:回應吳秋北言論 湯家驊:鬧法官須有理不應人身攻擊

 

相關字詞﹕陳沛然 陳凱欣

上 / 下一篇新聞