【Emily Online】林鄭fb周五晚開Live 即場回應施政報告意見

踏入任期第二年,特首林鄭月娥喺今年「七一」開始,正式展開佢第二份施政報告嘅諮詢工作。而為咗親自聽取市民意見,林太更決定喺今個星期五(17日)晚上8點,喺佢fb個專頁開Live,即場同網民交流呢。

林太又喺帖文話,如果網民當晚唔得閒,可以預先喺帖文下方度留言,佢屆時會抽出部分留言出嚟回應。帖文今朝9點發出後不久,已有唔少網民留言,截至中午12時更錄得接近50個回應呢。

呢次並非林太第一次玩fb Live,早喺佢競選特首時,已經喺商台節目同陳志雲一齊直播,其間仲罕有除低眼鏡,一度惹來熱議。而當選特首及發表第一份《施政報告》後,佢更透露曾打算做Live聽取大家意見,但因下屬話有保留而作罷。

唔知今次開Live,林太下屬又有咩意見呢?

至於外界,青年民建聯主席顏汶羽話歡迎特首善用社交平台直播與民對話,認為林太繼透過社交平台諮詢市民對施政報告意見後,再在社交平台直播與民對話,係施政創新風嘅做法。他仲期望政府將社交平台諮詢方法恆常化,為施政吸納更多市民意見。

其他報道:林鄭明起訪京三天 月內第二次

其他報道:公共年金認購額不足上限一半 年金公司總裁指「幾好結果」 不排除銀行積極程度影響登記

其他報道:盧偉國:沉降是自然現象 「填海地須一段時間沉降才穩固」

其他報道:資深工程師指沉降25毫米是「生死線」 陳恒鑌:特權法從來是選項

上 / 下一篇新聞