港聞

下一篇
上一篇

【Emily Online】林鄭月娥Facebook賀「師妹」容海恩新婚 (20:59)

新民黨立法會議員容海恩(Eunice),噚日同該黨嘅政策總裁袁彌昌(Derek)舉行婚宴,特首林鄭月娥今日喺facebook上載咗 Eunice同 Derek嘅婚照祝賀二人,話係佳偶天成。林太話,同Eunice除咗係特首同立法會議員關係外,大家嘅母校都係嘉諾撒聖方濟各書院,佢係Eunice嘅大師姐。

新婚燕爾,Eunice今日已經即刻投入工作,一大早就返到自己嘅選區新界東,同公民力量成員開會,下午同「新民之友」茶聚,跟進地區同其他方面嘅工作。新民黨主席葉劉淑儀喺facebook除咗大讚新婚之喜令Eunice容光煥發外,仲令佢工作更添幹勁,加倍投入。葉太話自己十分欣慰,唔少成員同街坊亦都紛紛祝福Eunice。

Eunice就喺fb度分享咗葉太個post,話感謝大家嘅祝福同支持。

其他報道:律政司前日就協和泄試題案提上訴 周浩鼎今午稱「律政司應盡快上訴」

其他報道:香港保衛戰電影《1941的聖誕》稱被禁配字幕 通訊局:有關人士只將無字幕版本送檢

相關字詞﹕容海恩 林鄭月娥 emily online

上 / 下一篇新聞