【多圖:Emily Online】容海恩袁彌昌結婚 葉太被指是大媒人要飲「新抱茶」

新民黨今日有大喜事,黨友容海恩(Eunice)及新民黨政策總裁袁彌昌(Derek)拉埋天窗,作為新民黨主席嘅葉劉淑儀當然好鬼開心,仲喺fb上載一對新人簽紙、斟茶嘅相片。葉太引述Eunice爆料話Derek原來為咗追求她先加入新民黨。

葉太喺fb引述話,Derek致詞時先感謝外父外母,將一個如花似玉嘅乖女兒許配畀佢,然後多謝葉太,Derek話:「多謝葉太,她兩次改變了我的人生方向。」佢所指嘅「第一次」係加入新民黨,「第二次」係結識Eunice,佢話多年來都尋尋覓覓,如今成家立室,終於找到人生真正方向。

另一幕令葉太印象深刻,係親眼見證Eunice向老爺奶奶斟「新抱茶」,其後在場眾人起哄話葉太係這頭婚事嘅「大媒人」,建議一對新人要向佢斟「新抱茶」,真係令佢受寵若驚,愧不敢當。

【多圖:Emily Online】容海恩榮升袁太 袁彌昌讚老婆係「perfect choice」

【Emily Online】容海恩媽媽畀女婿101分 口密唔講係咪做婆婆

 

上 / 下一篇新聞