港聞

下一篇
上一篇

【多圖:Emily Online】容海恩榮升袁太 袁彌昌讚老婆係「perfect choice」 (13:58)

新民黨立法會議員容海恩(Eunice)今日與同黨嘅政策總裁袁彌昌(Derek)拉埋天窗,成為立法會第一任任內結婚嘅女議員,一對新人今日下午喺尖沙咀半島酒店擺四圍酒席,宴請親友。

一對新人下午1點出嚟見記者,Emily問新娘子Eunice心情如何,佢話「原來結婚好忙,無諗過有咁多嘢搞」。Emily追問係咪因為籌備得太急所以趕,Eunice答,「唔係,我諗人人結婚都要安排好多嘢,例如賓客同場地」;至於新郎哥Derek就大讚老婆係佢「perfect choice」。

立法會議員麥美娟係Eunice伴娘,佢話伴娘團有5人,主要係Eunice大學同學、朋友,又話大家都錫住Derek,「玩新郎」嗰陣只係叫佢做掌上壓食生果,「香蕉同提子都唔少得啦」,笑言「做咗幾下就放過佢」。

至於其他賓客,大約喺11點到12點到現身,容媽媽話「非常滿意女婿,畀101分」。而政界中人方面,當然唔少得新民黨主席葉劉淑儀同副主席潘國山。

Emily問葉太對新人有乜祝福,葉太答「祝佢哋早生貴子囉」,又話送咗銀行禮券比一對新人,等佢哋決定買咩心水。

其他報道:【Emily Online】容海恩媽媽畀女婿101分 口密唔講係咪做婆婆

其他報道:網台主持鄭永健賄選案 上訴庭拒批終極上訴申請

其他報道:名校生涉偷拍同學裙底 認罪被告判兒童保護令 首次被告因證據不足獲撤控

相關字詞﹕容海恩 袁彌昌 麥美娟 葉劉淑儀 新民黨 emily online 編輯推介

上 / 下一篇新聞