港聞

下一篇
上一篇

【Emily Online】張宇人指侍產假一日都唔應該有 田北俊:使唔使咁呀? (16:53)

政府建議將法定侍產假增至5日,身兼行會成員嘅自由黨主席張宇人,早前接受傳媒訪問時語出驚人,形容「侍產假一日都唔應該有」,更反問「以前我哋無侍產假又如何?以前我哋太太無產假又如何?」,惹火言論引嚟唔少批評。該黨榮譽主席田北俊幫理不幫親,今日喺facebook轉載報道,批評黨友:「依家D(啲)年青家庭,生小朋友最多咪一個起、兩個止,成世人都係幾日侍產假啫,使唔使咁呀?」

田少今日下晝3點幾貼出呢句評論,不足一個鐘已吸到逾500個讚好、「心心」同「哈哈」,網民幾乎一面倒撐田少。有網民笑言「自由黨真係好鬼自由!個個黨員都有唔同理念」,有人同田少講「你d(啲)黨友不知民間疾苦」,有人就話:「以前D(啲)人生活在原始森林裏面都唔會死,現在把張宇人放入原始森林裏,佢一定唔會死。」

田少呢句評論亦成功引起勞工界關注。工黨主席郭永健隨即轉貼田少貼文,形容自由黨「自己黨友都唔撐張宇人」。

張宇人早前接受無綫節目《新聞透視》訪問,形容勞工界爭取侍產假係唔會「收手」,舉例爭取完7日就會有14日,之後就會有一個月甚至一年,批評係「永無止境的苛索」。

其他報道:【短片:土地大辯論】團結基金倡東大嶼填海強化版 涉2200公頃如半個九龍 可容納110萬人

其他報道:【局部大雨報告】天文台:大嶼山過去一小時逾70毫米雨量 可能嚴重水浸

其他報道:警一度拔槍戒備 圖劫金鏈不遂二人落網

相關字詞﹕張宇人 田北俊 自由黨 侍產假 編輯推介

上 / 下一篇新聞