港聞

下一篇
上一篇

【Emily Online】梁智鴻:社會分裂 字典唔見We及Us (20:38)

曾經擔任過多項公職嘅梁智鴻,將於下星期三(18日)趁香港書展開鑼,推出《理性的呼喚》一書,回顧自己嘅專業同公共服務生涯。曾任立法會議員嘅佢,喺今日傳媒茶聚時講起,現今香港社會太政治化,同充滿分裂,「(人人)字典裏無We同Us(我們),字典只有me、I(我)」,所以分享自己當年部分公職,都係透過理性推動成果啲共通點,希望社會能多些理性。

其他報道:銅鑼灣一大快活燒鴨瀨粉樣本 驗出過量致病菌須停售

梁智鴻喺書嘅序言話,寫呢本書嘅原因有二,一來提醒自己喺呢個大時代嘅經歷,二來因為呢數十年都「因公忘私」,所以向太太、仔女同朋友表示歉意。

梁智鴻喺1988至2000年期間,做過立法會醫學界功能組別議員,佢自嘲「當時都好蠢,立法會做啲咩我都唔係太清楚,我淨係以為將自己嘅專業帶入立法會」。後來,佢明白到立法會議員係為市民服務,而非單為醫生服務。梁智鴻特登喺書入面提到,有唔少人彈功能組別係小圈子選舉,佢同意,但認為功能組別之所以為人詬病,「唔係功能組別有問題,係做嘢嘅人有問題」,功能組別都係應該為香港整體利益做事。

2002年起,梁智鴻出任醫管局主席。佢話,當時公立醫院急症室服務免費係「好事」,但被人濫用,形容係「成功嘅受害者」,故當時向政府「開價」,市民每次睇症要畀200蚊,最終以100蚊成交。去年急症室收費提高到每次180蚊,同梁智鴻當年提出的水平都仲有距離,被問到係咪有需要再加價,佢就話除咗收錢,仲要靠其他配套,例如由幾位醫生合營嘅私家診所,可以輪班方式營業至夜晚,甚至喺公眾假期應診,但佢指呢方面到呢家仲未做得好。

其他報道:【短片:Emily Online】劉霞獲釋 夫子找數三剪鬍鬚

其他報道:被鄭宇碩指非民主運動中人 馮檢基:我40年參與民主活動多過鄭

相關字詞﹕梁智鴻 醫管局 急症室

上 / 下一篇新聞