【短片:Emily Online】劉霞獲釋 夫子找數三剪鬍鬚

聽日(13日)係諾貝爾和平獎得主劉曉波逝世一周年,遺孀劉霞日前獲准飛離北京,抵達德國柏林,結束近8年軟禁生活。人稱「夫子」嘅時事評論員劉銳紹去年7月13日開始,一直無剃鬚,並承諾會喺劉霞重獲自由時先再剃。夫子今午喺facebook上載一段短片同一張相,以示自己經已找數。

夫子準備好鉸剪,再喺片段中「三剪鬍鬚」,第一剪「祭劉曉波」;第二剪「祝劉霞重獲自由,以後順利順心」;第三剪「祝所有含冤受屈嘅人,早日脫離苦難」。夫子最後仲話,對劉曉波夫婦一事上有好多感覺,再以一對對聯共勉大家話:「死後寧可無骨灰,生時必須有骨氣」。

之後,夫子再喺facebook上傳一張相,見到佢已剃乾淨晒鬍鬚嘅樣,仲寫道:「夫子找數!人海一葉舟,卑微伴君行!」

劉霞相關新聞:

德政府指劉霞獲長期居留許可 不必申請政治庇護

劉霞報平安:早餐吃得很不錯 醫生已初步檢查 弟:體弱難受訪

明日劉曉波死忌 德教堂邀劉霞出席追思會

上 / 下一篇新聞