體育

下一篇
上一篇

【轉會拆局】C朗拿度來了 歐聯冠軍沒有來(文:路斯) (07:00)

C朗拿度大名燙上祖雲達斯黑白波衫,「FF圖」廣傳多日,空穴來風終於成真。「老婦人」一擲千金買球王,無非為了歐聯夢。但買了球王,亦買了個33歲老將,咁就想捧盃,發夢無咁早。

相關報道﹕【C朗轉會】C朗拿度投祖雲為乜?拆解3大原因(文:TD)

祖雲達斯每季近乎收盡意甲潛質新星,比德甲拜仁慕尼黑「更拜仁」。今季尾,以為拿玻里在尾5輪絕殺祖雲達斯,可以乘勢「反給」,結果又係意料之內峰迴路轉,完成7連霸。「老婦人」一早稱霸意甲,但上次歐聯是何時?1996年,即法國主帥迪甘斯仍然在陣,此後五入決賽均鎩羽而回。

加入C朗,頂多加快今季8連霸,歐聯戰線則「唔同講法」。除了賽程頻繁,賽事節奏亦見快上快落,消耗極大。祖雲達斯班底雖厚,但常規輪換的球員不外十幾廿人,中前場不少主力,不乏三十開外人士。C朗是「操練魔人」,心境年輕身境年輕,但老一歲,體力水平更難保持,其他球員能否配合,亦成問題。

偏偏最要留下的門神保方,走了。到底40歲保方穩定,還是28歲施捷斯尼堅實,大家心中有數。

相反,皇馬肯定「做咗單靚deal」,捧歐聯機會依然高過祖記(唔計盧柏迪古識唔識鎮住皇馬一眾大爺)。用足C朗9年,帳面依然有賺,在陣者當打兼擔得起大旗。况且,皇馬收購,年年至少一星,賣得畀你,必定心中有人。

相關報道:【世紀轉會】C朗拿度落實轉投祖雲達斯 據報轉會費達1.05億鎊

相關字詞﹕體育 意甲 祖雲達斯 c朗拿度 轉會 皇家馬德里 編輯推介

上 / 下一篇新聞