港聞

下一篇
上一篇

【Emily Online】侯志強同陳劍青似兩爺孫定兩父子? (21:59)

本土研究社成員陳劍青,今日喺facebook上載佢同上水鄉事委員會主席侯志強嘅合照,仲留言話「侯志強話我好似佢個孫,咁係咪有得去點燈拎丁權?」佢哋兩位喺土地問題上素來都有唔同意見,究竟又點解會戴晒黑超一齊合照呢?

Emily向陳劍青打聽過,原來佢同侯志強今次係一齊接受傳媒訪問,侯生就講笑咁話佢好似自己個孫。Emily又問佢今日訪問氣氛點樣,佢就話一般啦。

Emily亦都問過侯志強,佢話佢哋兩個拍埋真係有啲似兩爺孫,之後又話想後生啲,都係話似兩父子好啲。問到如果陳劍青想拎丁權,佢就笑住咁話歡迎!侯志強仲話,佢個孫仔就嚟小學畢業喇,第時分分鐘高大過陳劍青。至於訪問期間,佢同陳劍青都係各抒己見,氣氛高潮起伏都有,對新界土地同丁權問題都有唔同意見。

被問到有冇留意本土研究社關於股權轉讓住宅避稅嘅研究,侯志強就話呢個唔係新界人問題喇!佢又話香港係自由社會,有啲人好多動作都好難理解。Emily又提到近日特首撐填海,佢就話對填海冇咩意見,但就話新界有好多地,例如棕地、郊野公園邊陲同綠化帶等等,起樓唔一定要喺市區。

其他報道:【短片:網上熱話】內地人領養格力犬 疑因腳傷即遺棄澳門

其他報道:【短片:網上熱話】宣傳片畫風被指抄襲《你的名字》 港鐵:富獨特性

其他報道:民協明開記招 料宣布馮檢基退黨

相關字詞﹕陳劍青 侯志強

上 / 下一篇新聞