港聞

下一篇
上一篇

【Emily Online】在林鄭IG#大和解 特首辦媒體主任同深水埗明哥鬧官非 (19:32)

喺深水埗經營北河燒臘飯店並義贈飯盒嘅「明哥」陳灼明,日前入稟高院,指有人挪用、取用、出售或有意出售公司機密資料,控告前義務公關劉肇銘及其他有關人士侵權。

相關報道:指被挪用公司機密 「深水埗明哥」控前義務公關等侵權

Emily打聽到,劉肇銘現為特首辦新聞組媒體主任。特首林鄭月娥今年3月出席民主黨黨慶,晚會上捐出3萬,名下instagram其後寫上「#大和解」,建制派紛紛不滿林鄭捐錢畀民主黨,翻起一場政治風波,搞到林鄭要向傳媒解畫,話係特首辦一位同事「某程度上自作主張」,佢本人都認為「#大和解」並不適合,因為佢同政黨根本無乜大仇恨,不需要大和解云云。林鄭話,事後呢個同事向佢道歉,而呢個人,原來就係劉肇銘!

根據特首辦資料,呢個職位今年度薪酬開支為51萬,除開12個月,月薪42,500元。

相關報道﹕

幫特首管理FB及IG 年薪51萬元

「深水埗明哥」控前義務公關等侵權 被告劉肇銘為特首辦媒體主任

相關字詞﹕劉肇銘 大和解 北河燒臘飯店 陳灼明 編輯推介

上 / 下一篇新聞