【短片:網上熱話.世界盃】中國2033年躋身足球強隊?體育品牌廣告引話題

世界盃接近尾聲,中國隊今屆未能打入決賽周卻話題不絕。FB「廣告狂人」分享一段廣告片段,講述中國2033年終於打入一個足球大賽決賽周,片中英格蘭球迷知道與中國同組時表現失望,擔心在「死亡之組」難以出線,引起網民熱議。

廣告片段見到,英格蘭要跟中國碰頭,英國球迷竟然驚到忍不住落淚;而曼城更爭着與中國球員簽約,以致歐洲球會要改例,每隊最多只能簽三名中國球員等。

廣告狂人」慨嘆:「估唔到強國(內地)Nike出條咁嘅FF(FF,即Final Fantasy「終極幻想」)廣告。廣告最後返回2018年,寓意未來取決於現在,只要『全憑我敢』,就乜都可能成真;係,個廣告本意或者真係想勉勵年輕球員爭返啖氣,一雪前恥;但小編一路睇,一路只會覺得,強國假大空嘅毛病又發作啦,竟然拎三屆英超冠軍曼城,同準世盃冠軍英格蘭嚟FF,或者真正『全憑我敢』嘅係敢sell/buy呢條橋嘅廣告公司同客戶都未定。」

網民紛紛認同:「FF既野,都係留番係自己個腦入面比較好....你諗到點都無所謂。夾硬將佢拍出嚟」、「我要睇兩次先相信係真nike廣告」、「為咗大陸市場,Nike可以去到幾盡」、「其實我好期待中國隊可以入到世界盃,等我可以落重買佢對家」。

其他報道:【網上熱話】麥麥送訂單稱送貨樓層有靈體 籲職員戴護身符勿看後梯

其他報道:【網上熱話】野豬公路快線狂奔變「豬TR」 連切兩線跳入草叢

其他報道:【網上熱話】林超英憂扶手甩漆傳播有毒物質 港鐵:不會損害健康

上 / 下一篇新聞