【世盃開鑼】2018世界盃十大看點 C朗美斯最後探戈?(上)

球迷翹首以待的2018俄羅斯世界盃今晚終於揭開戰幔,本報將分兩文分享今屆賽事十大看點,包括可能是兩大「星球人」、年過三旬的C朗拿度和美斯爭逐世盃的最後探戈......

1. C朗美斯最後探戈?

由讀書到出來投身社會工作,唔少球迷都見證住C朗拿度和美斯由初出茅廬到稱霸球壇的過程。唔經唔覺,兩大球王已經分別33歲和即將31歲,今次好有可能是以巔峰狀態最後一次出戰世界盃,亦是2人獎盃櫃內一直所欠缺的重要錦標。若葡萄牙與阿根廷同樣小組首名出線,兩大球王有機會在8強相遇。

2. 打破金球獎壟斷?

2007年,巴西球星卡卡被視為最後一個獲得金球獎的「地球人」,之後10年一直由C朗拿度和美斯壟斷。今屆世界盃冠軍得主,或左右來年金球獎誰屬,巴西的尼馬、埃及的穆罕默德沙拿、比利時的夏薩特等,都有機會藉今屆世盃演出,去爭取成為後來者。

3. 復仇者聯盟

上屆世盃東道主巴西係4強以1:7慘敗德國,4年後「森巴兵團」世盃外圍賽以12勝5和1負佳績,成為首支率先晉身決賽周的球隊,加上陣中球星尼馬傷癒復出,能否一雪前恥?

同樣地,法國兩年前在主場出擊的歐國盃,卻在決賽功虧一簣,今次大軍名單人才輩出被外界繼續睇好,又能否一吐污氣?

歐聯決賽利物浦球星穆罕默德沙拿被皇家馬德里隊長沙治奧拉莫斯弄傷肩膊,如今「埃及美斯」已復操有望在分組賽上陣,可能唔少球迷都想在16強,就已經看到埃及對西班牙。

4. 既親切又陌生

分組賽首輪最受矚目相信是周六凌晨的「雙牙大戰」葡萄牙對西班牙,C朗拿度將會遇上不少皇馬隊友,同組對伊朗又會遇上同鄉兼恩師昆洛斯。

G組尾場比利時對英格蘭堪稱英超大戰,皆因前者多達11名英超兵,兼且是盧卡古 、夏薩特和奇雲迪布尼等「Big 6」球星,對於全來自英超的「三獅軍團」,相信雙方都知己知彼相當熟路。

而D組的阿根廷,將會是第5次在世盃跟「老對手」尼日利亞同組。

5. 誰是黑馬?

上屆世界盃哥倫比亞和哥斯達黎加打入8強,前者中場占士洛迪古斯和後者門將基羅拿華斯大放異采;

兩年前歐國盃冰島亦一鳴驚人擊敗英格蘭打入8強,盡顯黑馬本色;

今屆有兩支非洲球隊亦不容忽視,埃及有沙拿強勢復出;在西班牙臨時換帥下,今年11仗獲9勝2和不敗成績的摩洛哥,在B組能否突圍而出?

至於首度參加世盃決賽周的巴拿馬,是龍是蟲同樣值得期待。

其他報道:【世界盃A組】沙拿生日復出鬥烏拉圭? 埃及教練:很有機會

其他報道:【足球小將】高橋陽一自選最佳11人 戴志偉麥泰萊統領中場 

上 / 下一篇新聞