港聞

下一篇
上一篇

【短片:Emily Online】《選擇》月刊出版500期 李慧詩拍片祝賀 消委會舉辦有獎問答遊戲慶祝 (12:33)

消委會《選擇》月刊第500期今日出版,消委會搵嚟「牛下女車神」李慧詩幫手宣傳,另外都搵咗3個小學生同大家講《選擇》月刊嘅歷史。第100期喺1985年出版,內文只係雙色印刷,當期的產品測試係而家已經停用嘅電煮食爐。

Sarah話自己喺單車場上憑着信心同毅力努力向前,正如「《選擇》月刊每期都全力以赴不斷創新同進步,為大家尋找最佳嘅選擇。」佢期望未來同《選擇》一齊努力向前加油。

Emily留意到,第100期嘅《選擇》同而家好唔同,揭頁方式由左向右揭,內文由上而下,入面亦有特別嘅專欄教大家消費,例如係「青少年專欄」,當中提到「迎新不必除舊」,呼籲大家將長褲剪去褲腳變成短褲,裇衫剪去衫領變成圓領,提醒大家要善用資源。

《選擇》喺其後嘅第200期、400期同500期都有提及可持續消費意念,第200期提到「消費者有雙重身分,同時是製造污染者,又是污染受害人,消費者可怎樣滿足生活需求,而同時實踐環保行動呢?」鼓勵消費者檢視自己嘅日常消費。

此外,消委會喺網上舉辦問答遊戲,跟足活動要求同答啱答案嘅市民,有機會獲得環保隨身木餐具、全棉潔膚巾同埋膠餐墊套裝,獎品500份,先玩先得,送完即止。

其他報道:【消委報告】10款USB旅行萬能蘇無一通過安全檢測 部分有觸電風險

其他報道:月底離任科技園主席 羅范認不獲續約 指政府須解釋

其他報道:【網上熱話】公開K3英文默書段落 家長問:太深或太淺?

相關字詞﹕emily online 消委會 《選擇》 編輯推介

上 / 下一篇新聞