港聞

下一篇
上一篇

【Emily Online】住房部:積極考慮放寬港業界參與工程限制 (21:56)

目前香港嘅工程界同建測界嘅專業人士,如果想北上發展,參與內地嘅工程項目時,會有好多限制,如只可以參加有外國投資嘅項目,或者參與中外聯合建設嘅項目。兩名新任全國政協委員、經民聯盧偉國同「建測規園」界議員謝偉銓,早前聯合去信國家住房同城鄉建設部(住房部),希望可以放寬限制。佢哋今日就匯報「成功爭取」,引述住房部指,會積極考慮取消有關限制。

其他報道:林鄭:批評多的人未必能解決樓價問題

盧偉國同謝偉銓今日同傳媒茶敍,分享喜訊。謝偉銓話,本來去信住房部,只係希望對方可以酌量放寬限制,估唔到對方竟然話會積極考慮取消限制,形容今次係「超額完成」。至於業界可以增加幾多生意額,盧偉國指唔容易量化,但肯定取消限制後,可以為業界打開廣闊天地。

謝偉銓就希望,兩地政府更新CEPA時,可公布落實取消限制嘅細節。佢話,希望特區政府幫手推動恒常化兩地專業資格互認試,方便香港業界人士到內地發展。謝偉銓指,業界將會在10月舉辦大灣區考察團,呼籲業內年輕人參加,了解國內情況。

其他報道:5G頻譜分配被斥落後 林鄭促認真看反對者是否既得利益者

其他報道:張國鈞關注英政客評論暴動罪判刑 林鄭指今晚赴歐:會做解說工作

相關字詞﹕盧偉國 謝偉銓 住房部

上 / 下一篇新聞