【軍備競賽】內地fans雷蛇紋上身 陳民亮fb掀fans po相潮

近年電競大行其道,專攻電競設備嘅雷蛇(1337)喺電競界有唔少fans,呢班fans唔單止俾錢買產品,有部分直頭當佢哋神咁拜,雷蛇CEO陳民亮(阿Min)今日喺facebook上載咗張相,原來有內地fans將雷蛇個標誌紋咗上手臂,查實今次都唔係第一次有fans咁做,之前有人仲索性紋咗阿Min個樣上身添呀!

阿Min上載咗一幅內地網民嘅微博相,呢位fans唔單止將雷蛇紋咗上身,仲寫住「這個世界上,有兩個電子類品牌的粉絲會把logo紋在身上,一個是蘋果,另一個就是雷蛇」,張相擺咗無耐,唔少fans都紛紛喺留言度登咗自己個雷蛇紋身出嚟,難怪阿Min自己都講,唔少長情fans都會紋雷蛇上身,但今次可能係第一個內地fans咁做喎。

查實再瘋狂嘅fans都有,雷蛇舊年上市時甚至有人將阿Min個樣紋咗上身,有班咁忠心嘅用家,唔怪得公司生意咁好啦。

上 / 下一篇新聞