【Emily Online】DQ周庭選舉主任調職

政府今日出稿公布,東區民政事務專員將會換人,由公務員事務局首席助理秘書長(住屋資助及編制政策)陳尚文接替鄧如欣,聽日生效。

其他報道:【暴動罪判刑】周庭:政府趕盡殺絕

鄧如欣近月都非常出名,喺2013年12月出任東區民政事務專員嘅佢,喺今年立法會3.11港島區補選中擔任選舉主任,將香港眾志周庭DQ,引發唔少風波,鄧如欣之後收到日本寄出嘅恐嚇信;泛民亦曾打算喺東區區議會開會期間,向鄧如欣抗議,搞到泛民嘅東區區議員都被拒入會場開會,流會收場。

政府並無交代鄧如欣去向,據Emily了解,鄧如欣將會調去公務員事務局,但唔係同陳尚文對調,據聞會去薪諮會聯合秘書處,有政界中人就估計,相信鄧如欣再做多陣,都會升職喇。

至於接任嘅陳尚文,佢喺1989年加入貿易主任職系,喺2010年轉到AO職系,曾喺教育局工作。

其他報道:【暴動罪判刑】八院校學生會代表同斥港共政府無恥 促檢討《公安條例》

其他報道:林鄭:不能批評法院政治審判 稱盼見青年追求公義但須守法

上 / 下一篇新聞