【Emily Online】張建宗有個花名叫「跨張」 自稱建議司局長兩年內落18區

聲稱自己從來都唔放假嘅政務司長張建宗,星期六(9日)出席香港政治及行政學苑結業禮,分享自己做公共行政嘅經驗。佢話,司局長喺現屆政府頭兩年要走訪全港18區係佢嘅建議,而且「唔係抱下BB、派下福袋、出席下活動就算數」,要真正深入民間同區議會。雖然聽到部分區議員和民政事務專員甚至係區議會主席話,司局長落區太頻密令佢哋吃不消,但佢就覺得一定要堅持,自己就喺上任11個月內,到訪咗14個區喇! 

其他報道:【紅磡站剪短鋼筋】張建宗:運房局同事覺得處理咗 局長真係都唔知

張建宗話,作為政治問責領袖,要求自己放下身段,「唔好以為自己係問責官員,坐喺添馬總部,你就能知世事,絕對唔係」。佢話,能知世事嘅可能係的士司機小巴司機,因為佢哋揸車嗰陣聽收音機就咩都知,乘客傾咩亦都聽到。至於自己提出司局長走訪18區嘅建議,就得到特首林鄭月娥即時拍板同意。佢仲話,自己走訪各區嘅速度要開始放慢,因為太快嘅話,其他司局長壓力會更大。 

另外,佢數咗幾個委員會都係由佢做主席,包括青年發展委員會。佢話今屆政府堅持「one government」,要將政府入面各「山頭」完全夷平,當中青年政策橫跨好多個局,所以「係跨局、跨部門、跨界別、跨組別、跨世代」,也因此佢有個花名叫「跨張」,原因係佢姓張,凡有咩要「跨」嘅事情就搵佢,「希望能夠擺平所有事情去做,好似一張枱擺平所有事,一個level playing field去做事」。

其他報道:時代廣場外搭帳篷放劉曉波像 曾健成收律師信 望擺雕像至劉逝世一周年

其他報道:曾俊華:有議員開會做幼稚鬼臉如學前兒童 港人未必要懷舊到如梁振英著古裝

上 / 下一篇新聞