港聞

下一篇
上一篇

【Emily Online】「第一先生」林兆波搭港鐵 呂秉權野生捕獲 (12:21)

搭港鐵唔一定淨係會撞到演藝界明星,浸大新聞系高級講師呂秉權噚日就成功「捕獲」香港「第一先生」、特首林鄭月娥嘅丈夫林兆波,仲發現佢背囊打開咗,輕輕篤林生手臂兩下提醒,對方亦好有禮貌咁話:「多謝你提醒我,裏面只是衣服而已」。

呂秉權喺facebook講述呢一場發生喺旺角至中環站車廂嘅偶遇,林生當時無即刻閂返好個背囊,仲隔咗幾個站等人少啲先閂好。之後呂秉權邀請林生合照,呢位「第一先生」亦笑住配合。

此圖文一出,網民留言話「好似兩父子」,又問林生噚日「有無著白襪仔」,由於兩人都著直間條襯衫,亦有人不禁要問:「件衫一樣牌子?」也有網民讚:「以佢身分佢大可以坐AM車 不過都係坐MTR算係咁。」

其他報道:【安老服務】邵家臻斥政府對院舍放軟手腳 私營院舍代表:不應只講罰

其他報道:【安老服務】指「8+8」方案非奢侈要求 邵家臻斥現有規定是虐老

其他報道:倡取消旺角行人專區 經民聯區議員:撥亂反正

相關字詞﹕呂秉權 林兆波 編輯推介

上 / 下一篇新聞