【笑爆嘴】「新五虎」吹水互窒 劉愷威笑基仔:佢好濕

古巨基昨晚在紅館舉行第4場演唱會,捧場嘉賓包括袁文傑﹑黃偉文和鍾舒漫等,而基仔邀請到「新五虎」做嘉賓,古天樂(古仔)﹑吳家樂﹑劉愷威和何遠恒齊齊亮相基仔紅館舞台,全場歡呼。

相關新聞:【集體回憶】「新五虎」齊腳唱《當年情》 重影經典甫士 

基仔向觀眾介紹:「今日好難得,上次約得四個差一個,今日幾經辛苦搵齊五個。」古仔上台後就叫兄弟企前少少:「呢個係案發現場位,大家係咪企前少少安全啲。」基仔聞言說:「案發現場就係企前呢個位啦,反而係企番後少少安全。」古仔望著基仔說:「哈!你都好嘢,咁都冇事!堅挺即係堅挺!」

基仔即帶笑反擊:「我『巨肌』嚟吖嘛!」古仔再說:「哦﹗你就係落台個下靠條巨肌撐撐,所以冇事呀?」基仔再說:「係呀,我『動L』 咁彈番轉頭,哈哈哈﹗」吳家樂插嘴: 「唔怪得Lorraine(古太)跟你咁多年啦!」他們的「有味」互窒笑話,令現場笑聲不斷。

接著基仔播出新五虎當年珍貴合照,並叫工作人員拿道具上台,要與他們重影一張一模一樣合照留念,之後基仔落台換衫,留低四虎在台上「吹水」,大講對基仔印象。古仔先說:「基仔好飲得,好識做蛋糕...整餅。好跌得囉,咁都可以繼續撐落去好嘢!」

何遠恒表示基仔是好男人,古仔就帶笑窒他:「咁你即係冇講嘢啦,我最近睇新聞,你同個咩(李)彩華散咗...咪個晚我哋約食飯你冇出現,去咗滾所以散呀?」何遠恒聞言耍手擰頭說:「唔好講呢啲啦。」

輪到劉愷威談基仔印象,他一語道破:「基仔成日好濕,總之好濕啦!」搞到觀眾又狂笑。

(即時娛樂)

上 / 下一篇新聞