港聞

下一篇
上一篇

【Emily Online】明年區選 民主派暫有54區撞區 (23:10)

區議會換屆選舉明年11月舉行,但民主派嘅協調工作已經進行得如火如荼。下屆區議會共有452個選區,負責協調嘅民主動力召集人趙家賢今日茶敘時,就透露暫有319個選區嘅民主派有意出選,但屬協調機制嘅政黨政團,以及機制外其他友好團體,就喺其中54區「撞區」,佢話未來會居中協調,但強調區議會選區細,唔會好似今年立法會補選咁搞初選。

18區入面,西貢撞區情況最嚴重,有10個選區嘅民主派撞區,其次就係有油尖旺(8個選區)同九龍城(6個選區)。佔領運動發起人戴耀廷近日積極推動「風雲計劃」,培訓有意出選區選人士,趙家賢強調同戴耀廷有共識,話對方同佢講過「風雲計劃」係負責「填窿」,希望出選者可以喺其餘130多個未有民主派表達參選意欲嘅選區出戰,避免撞區。

趙家賢補充,民主動力喺去年年中開始,已經喺18區尋找當區區議員擔任聯絡人,除咗喺民主動力中央層面協調有意參選者,亦希望可以喺地區層面多作交流。

其他報道:拍打衝鋒車鬧街頭 警員未處理 醉漢終遭惡煞趕跑

其他報道:原定下班回家吃母親節晚餐 33歲救生員遇溺亡 區議員籲捐款 

其他報道:【網上熱話】女童隨母逛街遭陌生人摸臉 被捕男子父母:大陸都係咁㗎啦有咩問題

相關字詞﹕民主動力 區議會 戴耀廷 風雲計劃 emily online 編輯推介

上 / 下一篇新聞