【基仔墮台】周慧敏嚇到震晒 要古巨基安慰:我冇事

古巨基昨晚在紅館舉行第2場演唱會,雖然發生墮台意外,但基仔堅持繼續演出,而昨晚的特別嘉賓是多年好友周慧敏(Vivian),Vivian甫上台即擁抱基仔,基仔安慰她說:「我冇事,冇事,唔好嚇親。」Vivian成個人震晒:「我的確係嚇親!不過我依家見到你,我好開心!感謝神,我會同你祈禱。」

相關新聞:【基仔墮台】蔡卓妍:我嚇到胃痛 容祖兒:來不及反應... 

相關新聞:【基仔墮台】還原事發經過 古巨基跌落台畫面曝光

基仔又再安慰好友:「我係好人,好人個天一定會睇實嘅!」然後基仔向觀眾說;「靚女咁多年不單係我好朋友,我哋已經係家人咁親,咁多年我都當有個好姐姐。」Vivian笑住回應:「我當你係哥哥﹗有時當你係爸爸添,佢有時好怪獸家長!你小心啲,你估你仲係基仔,你係基哥啦!」

之後基仔落台換衫,Vivian獨唱時也表現得小心翼翼,在台上邊準備邊說:「我唔會郁啦!咦,點解唔見咗個交叉(指Mark位貼紙)?」

演出過後,Vivian表示基仔發生意外近5分鐘後,才有工作人員敢通知她,大家擔心嚇倒她,影響她演出情緒:「我知道佢發生意外之後,驚到都唔識畀反應,但係我都冇法入到去睇發生咩事,只係衝出來後台口,望住個電視,等到佢升番上台嗰刻唱到歌先安心。大家都預咗我可能上到台會喊,但係我同自己講真係唔好喊,我一喊就影響晒我哋表演,而且基仔咁正能量,繼續企喺台上唱歌,我都應該好堅強咁出台,帶畀大家開心平安感覺。佢發生咁大件事,可以完成晒個騷,我好佩服佢毅力。」

(即時娛樂)

 

 

上 / 下一篇新聞