【Emily Online】浸大教授舉中指相遭貼民主牆 稱私人聚會拍攝不擔心校方追究

浸大教職員工會主席、政治及國際關係學系助理教授黃偉國一張舉中指嘅相,被人貼咗喺浸大嘅民主牆上。黃偉國同Emily講,呢張相喺2016年5月一個私人聚會上影,又話張貼相片喺民主牆上嘅人,係高教界選委兼浸大教職員工會前副主席楊寶玲。黃話,有向楊查問點樣拎到張相,以及點解點出嚟,但楊仲未覆佢。

其他報道:【Emily Online】鄧家彪違泊被鎖車 網民諷「跨越法例」

浸大最近因為有學生不滿普通話豁免試評分機制欠透明度,去抗議時夾雜粗口,搞到滿城風雨。依家又有校內老師被貼出舉中指嘅相,浸大回應話,正了解事件。

對於會否擔心被校方追究,黃偉國同Emily講,張相喺私人聚會上影、係私人相片,「諗唔到校方如何追究,除非校方想干預我私生活,否則係無任何理由追究。」黃話,一旦校方有行動而令佢覺得學術自由受損,唔排除會尋求法律方面嘅協助。黃偉國都喺民主牆貼出聲明,話如有人因事件感到冒犯,「本人深感抱歉」。

黃偉國話,民主牆上嘅帖都會有署名,而佢張相嘅帖署名係市場學系嘅楊寶玲。黃話,有問過楊點樣拎到張相,以及點解點出嚟,但楊仲未覆佢。

其他報道:護協批陳肇始探訪前停收症 廣華否認「洗太平地」

其他報道:小學女生衣衫單薄 報稱被迫熱水不足下洗澡 警拘父母

上 / 下一篇新聞