【短片:Emily Online】理大80周年校慶 兩局長獻唱校長彈結他伴奏

今晚係理工大學建校80周年晚宴,請嘅嘉賓星光熠熠,除咗有特首林鄭月娥,仲有食物及衛生局局長陳肇始、發展局局長黃偉綸同近排參選港區人大嘅鄺美雲,同埋唔同局長都喺度添。

黃偉綸同理大畢業嘅陳肇始仲喺晚宴大開金口,高歌一曲,理大校長唐偉章就幫佢哋結他伴奏。黃偉綸唱咗首《總有你鼓勵》,似乎黃局長唱歌有fans,台下唔少人大叫encore。而陳局長就唱咗首《月亮代表我的心》,不過音樂聲似乎有啲太大聲,Emily唔係好聽到佢唱乜。

到鄺美雲唱歌個時,可能時間太夜,陸續已經有唔少人走。佢唱咗自己首《堆積情感》,寶刀未老,仍然幾好聽。

唐偉章就一口氣彈咗幾首歌,平時一副嚴肅嘅唐校長,彈起結他上嚟又幾有型,而且吸金力超強,夾夾埋埋最少有成200萬捐款。

其他報道:康宏認兩董事受查主動申停牌 廉署證實拘3名上市公司高層

其他報道:【修改議規】非建制議員復會後繼續抗議被抬走 邵家臻發言完畢後休會

其他報道:【修改議規】非建制衝出主席台大叫口號 會議兩度暫停

上 / 下一篇新聞