港聞

下一篇
上一篇

【短片:Emily Online】工展小姐Rap住介紹工展會:你有freestyle嗎? (19:11)

每年一度工展會,工展小姐選舉都係其中一項重頭戲。今年十位候選人首次喺記者會同大家見面。佢哋今日Rap住咁介紹工展會,Emily都拍咗片畀大家睇。同場選出「最合眼緣獎」得主,最終由同廠商會最有緣嘅2號梁綺婷奪得。

其他報道:【Emily Online】新作《小明上高鐵》 李家仁:相信林鄭聽到好開心

今日10位工展小姐着住高踭鞋同大家見面,一開口就Rap:「我哋唔會講咁多,睇下你哋識唔識貨⋯⋯服飾精品喺裏面,靚仔靚女買返幾件。」雖然歌詞有小小懷舊,成個style有小小似曹永廉嘅《Rap Talk三字經》,但工展小姐都有喺歌詞中間Yo Yo幾聲,亦有問大家「你有freestyle嗎?」,潮返一下。相信廠商會CEO、前AO歌王楊立門都唔夠佢哋嚟。

呢班工展小姐其後向大家介紹自己,爭奪「最合眼緣獎」。2號梁綺婷致辭個陣,話自己中學係讀廠商會旗下學校,好有緣份,亦拎過廠商會獎學金,多謝廠商會嘅培育,仲話「正正係廠商會完美咗我嘅上半生」,引來全場掌聲,而最合眼緣獎最終亦由佢奪得。

其他報道:尋妻鎅刀男激動挾持保安遭警擊斃 死者友人妻回應裁判官:我唔係先知

其他報道:工展會下周六開鑼 推1元溏心鮑及電器 明起網上預購

相關字詞﹕工展會 工展小姐選舉 編輯推介

上 / 下一篇新聞