港聞

下一篇
上一篇

【Emily Online之特首跑馬仔】落選立會新東補選 「體雕大狀」梁思豪轉戰特首 (22:48)

特首選戰逐步升溫,大家對經常曝光嘅4位參選人或者唔陌生,但今屆選舉其實亦有幾個知名度較低、甚至名不經傳嘅人出戰,Emily近日翻查選舉事務處嘅特首選舉網上中央平台,就發現仲有「梁思豪」、「簡惠芬」同「劉子頴」三個名字。無錯,梁思豪就係去年落選立法會新界東補選、外號「體雕大狀」嗰位大律師,佢早前喺facebook公布8項政綱,當中包括「利用兩制優勢,以中介人角色推動兩岸和平統一」。

其他報道:【短片】葉劉籲鄉議局勿綑綁:畀我啲提名 與會者稱現場響掌聲

究竟香港特首可以點推動「兩岸和平統一」呢?Emily今日致電梁思豪,截稿前未有回覆。梁思豪其他政綱仲有重啓政改、令8成香港居民喺10年內有自置居所,同推出租金管制等。

中央平台係畀參選人上載選舉廣告同支持同意書等資料嘅地方,選舉事務處話,只要有合資格參選人士公開宣布參選,並遞表申請使用平台,就可以上載資料。不過,參選人唔一定要使用平台,已宣布參選嘅民建聯前成員胡世全就係一例。

問到參選原因,報稱係保險從業員嘅簡惠芬同Emily講,自己喺香港連續居住20年,亦符合法定歲數,所以出嚟選。現年58歲嘅簡惠芬,其實參加過2002年特首選舉,最終陪跑入唔到閘,佢話今次參選無人助選,競選開支「唔會龐大」,承認暫時未有選委提名,又話過去無入過政黨,但形容「(特首)梁振英都唔係入政黨」。

翻查平台資料,簡惠芬其中一項政綱,係「嚴肅徹查那些多年來違法施政的政府部門」。如果大家對佢認識唔深,可以參考佢其中一份選舉廣告,因為佢提到:「要了解更多本人人生歷程資料,可以登入Google(谷歌)搜尋。」

至於「劉子頴」,Emily就暫時未能聯絡上。

其他報道:曾俊華訪北區了解水貨問題:相信可平衡經濟和對市民困擾

其他報道:林鄭訪鄉議局談僭建丁屋 執委形容各自表述

其他報道:「倘4選1」曾俊華林鄭幾平手 曾:爭不同光譜支持 林鄭:民望對管治重要

相關字詞﹕emily online 特首選舉 編輯推介

上 / 下一篇新聞