即時體育

羽毛球︱伍家朗破逾3年錦標荒 透露在決賽受傷 曾懷疑奪冠「又要等下次」 (16:48)

港隊星將伍家朗昨(12日)於德國羽毛球公開賽男單決賽,先輸一局下以2:1反勝中國隊好手李詩灃,奪得個人逾3年來首個世巡賽冠軍。他今日(13日)在個人社交網發表感言,坦承之前3次打入決賽都屈居亞軍,今次決賽期間又一度受傷,曾懷疑自己「又要等下次」。

伍家朗自2020年1月的泰國大師賽後再奪錦標。他今早在社交網發表感言的標題也寫上「27/1/2020 > 12/3/2023」,代表兩次在世巡賽奪冠的日子,期間他在2021年初泰國公開賽、2022年馬來西亞大師賽及今年泰國大師賽,3次打入決賽都未能掄元。他寫道:「經過3年零44日的等待,我終於再一次企上頒獎台的冠軍位置。中間曾經3次打入決賽都功敗垂成,3次都同冠軍擦身而過,每次我都諗會唔會係我最後一次的決賽,我仲有冇機會他朝一日退役之前攞到冠軍?」他又笑言雖跟身邊人說衝冠「平常心」,「但係人都知去到可以爭冠軍的時候點會做到咁佛系?」

他透露在決賽第二局初段突然腿部受傷,需接受簡單治療,他說當時在想「唔通又要等下次?」也曾懷疑未必能繼續作賽,惟不想這樣溜走奪冠機會,「雖然傷勢冇令到我完全要投降,但的確係對發揮有影響,我只可以場上盡量做啲唔會令到我太痛的動作。就係咁一分一分捱落去,分數亦都好膠着咁同對手一人一分,就睇邊個可以沉得住氣先到終點,好慶幸我今(昨)日係最終贏得勝利的一個」。他認為今次奪冠更加印證若想成功或得到想要的結果,一定要首先好刻苦耐勞跨過重重難關,「因為冇一種成功係會來得好容易」。他又感謝一直支持他的所有人,笑稱希望下個冠軍不用再等3年。

伍家朗贏得德國公開賽後,緊接將於明日(14日)就會轉戰全英羽毛球公開賽,首圈再次遇上今次決賽對手李詩灃,另一港將李卓耀則要面對世界排名第一的安賽龍。兩對香港混雙組合同鬥日本對手,鄧俊文/謝影雪對渡邊勇大/東野有紗,李晉熙/吳芷柔會對綠川大輝/齋藤夏。

相關報道:羽毛球︱伍家朗德國公開賽封王 決賽挫國手李詩灃破3年錦標荒

相關報道:羽毛球︱伍家朗「港隊內訌」挫李卓耀 德國公開賽闖男單決賽

其他報道:羽毛球︱港將呂樂樂伙吳詠瑢泰國挑戰賽女雙摘銀

相關字詞﹕體育 編輯推介 羽毛球 伍家朗 德國羽毛球公開賽 香港運動員

上 / 下一篇新聞