Emily今日報道話運輸及物流局長噚日起休假13日，5月2號復工翌日就係財委會開會，有機會係當局再提交沙田T4主幹路工程撥款申請。運輸及物流局發言人今日回覆Emily話，自T4主幹路上月暫緩到財委會申請撥款起，局長及同事一直就項目積極向公眾解說，團隊會繼續約見不同板塊嘅立法會議員進行溝通。
據了解，林局長今次放大假，原來係家有喜事，皆因佢榮升外父，要到外地出席女兒婚禮。
Emily知道林局長係一個好愛錫子女嘅爸爸，佢2022年12月將軍澳藍田隧道及將軍澳跨灣連接路（合稱將藍公路）通車，佢亦因為要到海外出席女兒大學畢業禮，需要休假8日，未能出席通車儀式，由副局長廖振新以署理局長身分出席。
相關字詞﹕編輯推介；林世雄；運輸及物流局