土耳其今年2月發生地震，港府派出救援隊到當地搜救。兩隻有份執行救災任務嘅消防搜救犬Twix和Umi已經完成回港後檢疫程序，特首李家超邀請咗佢哋同埋家姐到Uma到禮賓府作客，仲話啲搜救犬氹到佢個心好甜。
李家超今日喺facebook分享自己同3隻搜救犬嘅互動，Emily見到佢哋相處得好融洽，李家超話，準備咗3隻搜救犬最鍾意嘅零食，仲親自餵佢哋食，答謝同表揚佢哋喺救災任務中嘅付出同出色表現。3位「特別嘉賓」去到禮賓府都好興奮，係李家超同領犬員握手嗰時仲撲上李家超身上，氹到特首好開心。
李家超又話，狗係人類嘅好朋友，亦係合作無間嘅工作拍檔，香港紀律部隊等政府部門一共有超過340隻工作犬，協助巡邏、調查、緝毒、搜索等工作，「我希望借此機會，向一直默默守護我們安全和城市治安的領犬員們和狗狗，表達最衷心的感謝！」