保監局日前舉辦亞洲保險論壇，有保險業界人士就公開質疑，保險界立法會議員陳健波於其中一個環節話「我哋酒吧女仔靚啲」（our bars have prettier girls），形容對言論感到震驚及失望，又稱席間無人指出問題。陳健波同Emily講，話講話內容遭斷章取義，引起誤會，強調完全無意對女性不敬。
陳健波話，喺同財政司長陳茂波對話環節上，大家講起新加坡同香港兩地競爭。陳健波話香港唔使怕，相信生意自然會返嚟，並引述「現場有gentlemen話，酒吧女仔都靚啲」，並說自己表明「唔知應唔應該講」。
陳健波話，可能對方引述講話時，無講對話背景及完整對話內容，引起誤會，「除非讚女仔都有（問題）」。