醫管局員工陣線今日(7月1日)在灣仔電腦城擺放街站,成員一度遭警方包圍及搜查身分證,警員兩度要求更改街站位置,醫管局員工陣線最終移至修頓球場附近,約於下午5時15分派完所有單張後離去。
醫管局員工陣線副主席陳國誠表示,原定在灣仔擺設一個街站,但被警察要求改位置,起初他們改到灣仔地鐵站A3出口附近,其後警方稱他們與民間電台街站距離太接近。陳國誠引述警方稱,「如果你哋(醫管局員工陣線街站)唔走,就兩邊都要走,你哋遲過阿牛(民間電台台長曾健成)嚟,搞到人哋,你哋自己諗吓阿牛會點諗」,他們終決定改在修頓球場附近擺街站。
陳國誠表示,警方中午已在銅鑼灣圍橙帶,他感覺政府愈來愈打壓公民社會,「本身擺街站係我哋自由」,又稱「本身七一(遊行)會喺維園起步,維園係一個好標誌性嘅地方,佢哋(警方)就係知道,呢個係你哋過去政治習慣、傳統,就特登去打壓,令你哋做唔返個畫面出嚟」。
另外,陳國誠感到今日街上比普通周六日少人,亦留意到有人只對他們講加油,但不願拿單張。他稱,未知該些市民是「唔敢拎」還是「我已經知道了,留畀其他人」的心態。