民政事務局長政治助理黎穎瑜（Jade）今年1月辭職，稱要照顧家人，並已移居新加坡。政府今日（4月30日）公布，前任行政長官及政治委任官員離職後工作諮詢委員會批准黎穎瑜離職後擔任3份工作，包括香港電台第二台節目主持、中華國術總會共同作者和編輯，以及音樂兒童基金會項目顧問。
Jade同Emily講，原來佢人生第一份受薪工作都係喺電台開咪，今次幫港台錄嘅節目叫《夢想啟航》，就係講夢想，之前接觸唔同人和事，都收集咗好多好正嘅故事可以分享。受訪嘅嘉賓身處世界各地，Jade會喺新加坡做完錄音、視像訪問後傳返香港。
Jade強調，照顧家人極之重要，𠵱家佢個小朋友係處於好需要佢陪伴嘅時期，而政助工作要全情投入先係負責任，所以佢選擇辭職。佢話，將會做嘅3份工作，都係可以喺小朋友返學嘅時間去做。
諮詢委員會認為，喺黎穎瑜遵從委員會所建議嘅若干規限前提下，離職後擬擔任嘅工作不會構成任何潛在利益衝突。諮詢委員會亦不預期有關工作會引起負面公眾觀感。
相關字詞﹕Emily Online 政助 黎穎瑜 港台主持 編輯推介