即時港聞

新冠肺炎.Emily Online|駐武漢辦前主任馮浩賢:去年今日武漢封城 一年後香港封區 (19:37)

駐武漢辦前主任、政策創新與統籌辦事處副總監馮浩賢,一年前留守湖北協助滯留港人,今日(23日)喺facebook回顧抗疫一年。佢話去年今日,人在武漢,凌晨4點得悉要封城,「一年之後,人在香港,看到凌晨4點香港也宣布要採取局部地區封城的措施去對抗仍未受控的疫情,心裏實在有點彆扭。上回曾經講過『抗疫尚未成功,同志仍需努力』,看來這句話仍然要講多一會。」

馮浩賢話,當前最受考驗係每個人嘅堅持與毅力,但「無可否認,抗疫疲勞早已出現」。佢提到,其實醫護人員、政府人員,以至任何要因應疫情執行職務嘅人,「何嘗不疲勞?」,例如衛生防護中心傳染病處主任張竹君強忍傷痛,堅持每日嘅記者會;社署副署長(服務)林嘉泰喺寫字樓「倒了下來」,仍然未蘇醒;喺dirty zone工作嘅前線人員,就更加唔使講。

馮浩賢又話,香港人基本上都好乖,九成以上都肯戴口罩、守規矩,但呢個病毒比SARS更麻煩、更狡猾,傳染性更強,成日有變種,「一小撮不守規矩的,便可攪(搞)到大家『一褲都係』。」前幾日有個記者訪問佢武漢封城一周年嘅感受,佢話「大局不由我控制,但小事由我做起。每個人做好自己抗疫的份內事,聚沙成塔,互相幫助,貢獻了自己的一小份,最少心安理得。」

相關報道:歷武漢封城「戰時狀態」 馮浩賢離任稱無愧(2020年10月2日)

新冠肺炎 相關報道:

張竹君:抗疫一年不容易 香港人非常難得

浸會醫院八旬婦三驗始陽性曾住普通病房 今增81確診35源頭不明 疫戰一年染疫者破萬

灣仔星月閣、土瓜灣益民大廈等6廈須強制檢測 深水埗指定區域3幢上榜

相關字詞﹕新冠肺炎 確診 新冠肺炎香港 新冠肺炎疫情 新冠肺炎檢測 新冠病毒 新型冠狀病毒 新型冠狀病毒肺炎COVID-19 新型冠狀病毒肺炎 新型冠狀病毒香港 疫情第四波 駐武漢辦 馮浩賢 抗疫一年 編輯推介

上 / 下一篇新聞