從全城「撲口罩」到政府全民派口罩,港人戴着口罩渡過2020年,感受良多。有人覺得,出門可無銀包但不能缺口罩;有人戲稱,「路人顏值提高了」;有人感慨,「呼吸自由嘅空氣並唔係必然」。
口罩覆蓋口鼻,有人皮膚變差了,有人卻因為今年戴了口罩「無感冒過」,也有女士說「冇動力化妝,慳埋唔少化妝品錢」。最有趣的是,有打工仔笑說,對疫情期間入職的同事,「快一年都不知道同事全貌」!
「戴咗口罩一年,你最大感受係?」《明報》電子平台組編輯12月下旬透過訪問,facebook及Instagram story收集網民對戴口罩的感受,線上線下共有近200人回覆。
部分回覆精選如下:
.鄧小姐:無帶銀包都可以出街,無戴口罩就唔得
.mandy.kt:冇動力化妝,慳埋唔少化妝品錢
.To Ainy:化妝品就嚟過期
.Tsang Nga Hung:今年無感冒過!健康過上年
.Alexis Chung:鼻屎少左(咗)。原來平時香港條街嘅空氣質素真係好差
.劉小姐:路人顏值提高了。另遇過同事在疫情後到職,快一年都不知道同事全貌
.Thomas So:每次喺街見到熟人都好驚認錯人,成日四目交投咗好耐先決定打唔打招呼
.xcboykc:以為沙士不重演,結果事與願違
.mlmhon:政府頭痛醫頭腳痛醫腳政策。疫症見唔到出路,以人性控制科學
.comet1phalley:口罩戴幾耐,就係政府無能幾耐
.ggenoch:好焗,皮膚差咗,個個無表情好似喪屍
.Peter Gor:香港政府令我失去選擇是否蒙面的自由
.Peter Pny:呼吸自由嘅空氣並唔係必然
.May Leung:口罩已經變成我身體嘅一部分
.Roy Kong:係咪只係戴一年咁少?
.WY Wong:見不到香港人的笑面。大家只有無奈的眼神
.Tse Suet Fong:以前好怕人戴口罩,現在好怕人唔戴口罩,無奈
.Miu Hung Ng:連發夢都發到,唔記得戴口罩出街
.Chung Tim Tse:唔知係因為中國啲工廠停工定關口罩事,定一齊關事,鼻敏感有好轉
.Au:今年令我知道,口罩都可以成為fashion
.carmen:自由空氣誠可貴
.Christy:多了許多俊男美女,因為大家都戴口罩
.葉先生:估唔到要戴住口罩跑步,而又做得到
.Rita Yam:靚咗,因為只睇到對眼
.蕭先生:睇戲時竟然唔習慣見到人樣
.M.HO:市民加強了衛生意識
.銀髮族:要珍惜可以自由呼吸的時候
.何小姐:敏感
.鄭先生:不方便,食飯飲水不便
.宋小姐:究竟要戴到幾時
.wong:覺得全世界好慘
.Tony:做運動較辛苦,比以往少做運動
2020回顧系列:
一字記2020年|「悲」「慘」「攰」難免 「撐住」盼「否極泰來」
被疫情打亂的計劃|「趕得切結婚趕唔切Honeymoon」 「登六」無得食大餐 畢業禮變Zoom