元朗新田東鎮圍一間村屋兩年前發生3個月女嬰疑遭枕頭和被焗死的案件,女嬰的42歲無業父親早前否認謀殺罪,案件今(11月30日)在高等法院續審。控方展示被告與女嬰母親案發後的短訊紀錄,被告曾發送女嬰的照片,稱「點解要揼低我唔理,就係因為你一個自私嘅決定,害咗我同爸B嘅一生,究竟你有冇一丁點內疚?」
被告張應輝(42歲)被控2018年8月22日在香港謀殺張嘉雯(終年約3個月)。
控方在庭上播放女嬰母親盧殷童於8月23日報警的錄音,盧當時不停哭泣,稱「我先生焗死咗個女,喺屋企」、「我先生熄咗電話唔知去咗邊」、「我先生用枕頭同被焗死個女……好驚……我好驚」。控方另展示二人同日的facebook信息對話紀錄,盧曾問被告「點解搞到咁呀」、「個女死咗」、「點解,點解,點解」。被告則表示「返唔到轉頭啦」。
至案發後,被告再向盧殷童發信息稱「我好辛苦」、「本來好好一個家,俾你搞散哂」、「你安樂啦」、「點解要背叛我,點解連你都要咁對我」、「可以將我同BB葬埋一齊嗎?」、「點解個個淨係怪我、可憐你,你有幾可憐,你先係罪魁禍首,害死個女嗰個係你。」
盧殷童解釋,由於她當時已被警方拘捕,故不能與被告聯絡,亦沒回覆有關短訊。她又稱,她沒有丟下女兒,「如果我真係揼低佢,我就唔會返屋企啦。」聆訊下午續。
【案件編號:HCCC253/19】
相關報道:
父涉謀殺3月大女兒 被告案發前拍女兒照片傳妻稱「我同爸B等緊你返嚟」(11月27日)