本港今日(28日)新增13宗新型冠狀病毒確診,其中10宗係本地感染。政府今早宣布全民檢測聽日朝早7點起可以網上預約檢測。衛生防護中心傳染病處主任張竹君、醫管局總行政經理(病人安全及風險管理)何婉霞晏晝喺疫情記者會,被問到會唔會參與全民檢測。張醫生講到明支持,但睇吓就唔就到時間,何醫生就話「唔方便答」。
張竹君話,個人嚟講係支持全民檢測,覺得可以幫到搵出隱性患者,而患者家人可以安排檢疫,但佢提到自己喺9月1日開始都要留返喺辦公室應付個案,就到時間會去做,如果唔得佢可能會留深喉唾液樣本。何婉霞就話,醫管局支持計劃,而呢個係個人決定,佢唔方便喺記者會上答喎。