工聯會麥美娟周日(2日)迎接「內地核酸檢測支援隊」7名先遣隊成員,當日採訪嘅有線新聞攝影師噚日(5日)確診感染新型冠狀病毒。麥美娟今晚開facebook live,話朝早去咗做檢測,結果係陰性(negative)及「未驗出」病毒(not detected)。
麥美娟話,由第三波疫情開始,已開始定期做檢測,因為社區好多「隱形帶菌者」(帶病毒者),佢哋可能喺無病徵下,唔知情咁將病毒傳咗畀人,早日檢測可以切斷傳播鏈,先可以控制疫情。
佢又話星期日受訪時離鏡頭好遠,所以佢噚晚已知道自己唔會有事;佢本來約咗聽日再做定期檢測,但今朝為令身邊人安心,所以提早再驗。
麥美娟話,有好多人關心佢,但都好多人幸災樂禍,佢認為「有事」嘅係社會,見到有「黃絲群組」話有線攝影師係被「國家隊」專家傳染,仲話係佢傳染㖭。麥美娟狠批呢啲係抹黑、造謠,認為任何人確診都係唔好嘅事,多一個人確診等於香港疫情嚴重咗,無論係咩顏色咩政見。
新冠肺炎 相關報道:
相關字詞﹕新冠肺炎 新冠肺炎 確診 疫情 新冠肺炎香港 新冠肺炎疫情 新冠病毒 新型冠狀病毒 新型冠狀病毒肺炎COVID-19 新型冠狀病毒肺炎 新型冠狀病毒香港 疫情第三波 麥美娟 編輯推介