即時港聞

Emily Online|食安中心洗手歌 網民批抄襲尊尼事務所 (19:00)

新型冠狀病毒疫情下出現形形色色嘅防疫宣傳,日本尊尼事務所就推出洗手歌「Wash Your Hands」,搵嚟嵐5名男神一邊跳舞,一邊教大家點洗手。不過近日有網民發現,本港食物安全中心facebook專頁5月推出嘅一條短片,背景同動畫人物嘅動態同尊尼事務所「Wash Your Hands」影片好相似,認為係侵犯版權。

食安中心嘅「食安仔」留言解釋,「其實片入面係我變身食安美男子cosplay(角色扮演)日本男神呀」。食安仔亦話,見男神首歌咁貼題又咁受歡迎,諗住cosplay吓令更多人記得洗手,注意個人衛生。

不過網民就對佢呢個回應唔收貨,畀咗超過800個「嬲嬲」佢。有網民話「抄襲!抄襲!抄襲!仲好意思話係cosplay?你係咪誤會左cosplay嘅意思?你唔係諗住改左啲樣就唔係叫抄呀?」

新冠肺炎 相關報道:

港泰護老院91歲男院友離世 今早增2宗本港累計27死

消息:本港今增約120宗確診

消息:伊院70歲病人初步確診 暈倒送院沒病徵 院方研所有入院者病毒檢

相關字詞﹕新冠肺炎 新冠肺炎 確診 疫情 新冠肺炎香港 新冠肺炎疫情 新冠病毒 新型冠狀病毒 新型冠狀病毒肺炎COVID-19 新型冠狀病毒肺炎 新型冠狀病毒香港 疫情第三波 洗手歌 食物安全中心 日本 傑尼斯事務所

上 / 下一篇新聞