即時港聞

【Emily Online】九巴生產口罩 盒印「九巴仔」 (12:10)

因應新型冠狀病毒疫情,早排唔少機構都買口罩機自行生產口罩,例如九巴同龍運母公司載通國際之前已經宣布,會喺九巴屯門車廠設一條生產線,佔地約1000呎。Emily聽講,九巴嘅口罩機同原材料上月底順利抵港,已經運咗去屯門車廠,相信好快就會有出品,九巴會優先派口罩畀1.3萬名員工,預計每人每日可以獲派1至2個,之後亦可能會擴大生產,唔係九巴嘅員工都有機會拎到。

九巴每次推出產品,都有唔少「巴膠」追捧。Emily睇過九巴口罩,好遺憾,口罩上面無巴士圖案,不過個盒上面有「九巴仔」圖案,唔知巴士迷會唔會追捧?

相關字詞﹕抗疫新階段 新型冠狀病毒肺炎 新型冠狀病毒 九巴 口罩 編輯推介

上 / 下一篇新聞