差餉物業估價署上星期曾經全面復工過一陣，仲應承每星期向同事派兩個口罩。但喺差餉署做嘢嘅陳先生（化名）就同Emily爆料，話署方派嗰啲口罩質素好差，第一次拎到嗰啲就薄到「好似牛油紙咁」，第二次拎到嘅口罩條帶變黃又有污迹，內層又黃又有摺痕，佢懷疑呢啲用保鮮袋包住嘅散裝口罩係「黑心口罩」，搞到唔敢用，要用番自己嘅私家口罩。
Emily就問過差餉署，佢哋就話買口罩嗰陣已經參考衛生署嘅專業意見，又話理解員工喺疫情下嘅憂慮，如佢哋對防疫物資有任何疑問，署方會盡力解答。
新冠肺炎 相關報道：
相關字詞﹕抗疫新階段 新冠肺炎 新冠病毒 新型冠狀病毒肺炎COVID-19 新型冠狀病毒肺炎 新型冠狀病毒疫情 新型冠狀病毒香港 2019冠狀病毒病 差餉署 差餉物業估價署 口罩 黑心口罩 編輯推介