律政司長鄭若驊去年底喺倫敦被示威者包圍跌倒受傷，左前臂骨折、左手腕脫骱，當時佢引述醫生話左手腕至少3個月至1年都未能完全活動。鄭若驊今日（5日）上載網誌，見到佢化身「工廠女工」，雙手並用，密密將口罩等物資裝入防疫包。
鄭若驊喺網誌話，律政司職員聯誼會早前用同事嘅捐款，買入口罩同酒精搓手液，聯誼會日前舉行義工活動，佢就同義工將呢批防疫物資，連同超市禮券、健康資訊單張逐一包好，再由義工捐畀非政府機構、稍後派畀長者同低收入家庭。
相關字詞﹕抗疫新階段 新冠肺炎 新冠病毒 新型冠狀病毒肺炎COVID-19 新型冠狀病毒肺炎 新型冠狀病毒疫情 新型冠狀病毒香港 2019冠狀病毒病 口罩 搓手液 防疫包 律政司 鄭若驊 編輯推介