香港羽毛球代表伍家朗今（15日）宣布，自己篤定緣盡今夏的巴黎奧運，他感言人生就是盡了力也不代表一定會獲得相應的回報，「大概這就是生活上的無奈」。
年屆29歲的港羽大師兄伍家朗，上屆於東京奧運男單分組賽受黑色球衣風波影響，最終未能出線淘汰賽。近年受傷患困擾的他，表現亦未如巔峰時期。目前他世界排名位列26，肯定未能獲得足夠積分取得巴黎奧運資格。
伍家朗表示：「喺度正式宣布今個夏天將無緣參加我嘅第三次奧運會。喺成個爭取奧運資格嘅過程參加咗好多比賽，當中遇到咗好多困難，每一個困難我都想盡辦法去克服，但人生有時唔係你盡咗力就一定會有相應嘅回報，大概哩個就係生活上嘅無奈。」他亦不忘感謝沿途支持他的家人、朋友及球迷，並感激球迷對他的鼓勵信息，為未能取得理想結果感抱歉；他又同時回應討厭他的「Haters」，「我都要好多謝你哋同我訓練EQ，你哋令我學習點樣處理抨擊，哩樣野唔只對我打波，對我將來嘅生活都受用不盡」。
不過，伍家朗亦強調自己不會因失落奧運資格而結束職業球員生涯，「所以我喺度要同我嘅真粉同haters講，唔洗擔心，未來依然係會喺球場上見到我㗎」。