逃犯條例

即時港聞

下一篇
上一篇

【Emily Online】反修例風波影響 新聞博覽館30導賞團無人報 擬辦收費講座增收入

香港新聞博覽館舊年12月開館,副主席陳淑薇(May姐)今日(18日)總結營運狀況時表示,過去一年大約有5萬人次入場參觀。反修例風波下,位於上環嘅新聞博覽館亦受影響,今年8至10月有31場團體預約嘅導賞團要取消,有30場公眾導賞團無人報名,另有5日因安全理由要提早閉館。

新聞博覽館內嘅展覽都係同香港開埠以嚟嘅新聞界大事有關,過去半年嘅反修例風波,會唔會成為展出內容呢?May姐就話,新聞博覽館一定會搜集呢場風波嘅資料,日後會有專題展覽,但因為示威仍然持續,估計要等場風波過去,再花時間沉澱、整理,先會舉辦專題展覽,預計唔會短期內成事。

博覽館係由政府以每年1蚊象徵式租金租出必列啫士街街市做場地,日常運作要自負盈虧。May姐話,博覽館一年營運開支約900萬元,目前最困難係要諗點樣維持運作,而家博覽館係免費入場,如非必要都唔想收入場費,出年會考慮開辦收費講座,亦會大力推廣紀念品,希望增加收入。

其他報道:流感爆發4周16宗料高峰期將至 50至64歲疫苗接種率僅7%政府促盡早打針

其他報道:懲教助理涉收受囚犯母燒鵝燒鴨 警涉駕警車撞人控危駕 均准保釋候審

相關字詞﹕逃犯條例 新聞博覽館 陳淑薇 導賞團 香港開埠 專題展覽 收費講座 編輯推介

上 / 下一篇新聞